Facebook ne fir se delete kiye accounts aur pages

Facebook ka istemaal Fake news aur raajaneetik makasad se galat afhawein failaane ke liye kafi hota raha hai. Is vajah se Facebook ko kafi aalochana ka saamana bhee karana pad raha hai. saath hee,isakee vishvasaneeyata bhi khatare mein padatee ja rahee hai. Ise dekhate hue Facebook ne ab sakht kadam uthaane shuroo kiye hain. 

aaj hee Facebook ne yah ghoshana kee hai ki usane 900 page, group aur accounts ko hata diya hai, jo iran aur indoneshiya se chalae ja rahe the. In pageon, groups aur accounts ko jhoothee pahachaan ke saath operate kiya ja raha tha. Inake jarie jo post kee ja rahee theen, unhen is roop mein pesh kiya ja raha tha maano vah iran ke state media dvaara jaaree kee gaee ho.Ise khaas taur par middle east or dakshin eshiya ke users ko taret kar jaaree kiya ja raha tha. Facebook ka kahana hai ki inake jarie Fake news phailaee ja rahee thee aur yah sab 2010 se hee chal raha tha.

Instagram account bhi delete kiye

Facebook ne instagram se bhee 162 account hatae hain.jin pages ko hataaya gaya hai, unamein se kam se kam ek page ke 20 laakh follower thhe aur groups se kareeb 1600 account jude hue the. instagram ke ek account ke to 2 laakh, 54 hajaar follower the. in accounts ke jarie 30,000 dollar (kareeb 2140557 rupe) vigyaapanon par kharch kiya gaya tha. Inake dvaara kareeb 8 event host kie gae the, jinamen sabase pahala may 2014 aur aakhiree may 2018 mein kiya gaya tha.

kya kaha Facebook cyber security head ne

Facebook ke cyber security policy ka kahana hai ki content ko lekar in accounts ko nahin

hataaya gaya hai. unhonne kaha ki inhen isalie hataaya gaya, kyonki ye

independent news outlet ke roop mein apane ko pesh kar rahe the aur ye

Fake account the. Facebook ne kaha ki ye saare account iran se oprate kiye

ja rahe the. in accounts ke jarie kiye ja rahe posts mein  kisi na kisi ke baare mein aapattijanak tippaniyani kee ja rahi thhi.